البقرة للشاعر الكبير : خالد الطبلاوي

البقرة

يا اللي حلبت البقــــــرة إتلم
ليـــــه خــــليتهـــــا تنزل دم
كـــفك قـــــــــاتل دمها سايل
وإنت لا ســـــــائل ولا مهـتم
يا اللي حلبت البقـــــــرة إتلم
--
همك تشـــــــــرب ليل ونهار
وعـــــــرقــــها يا ظالم أنهار
تدعــــــي عليك ليل ويا نهار
يبقى حليبهــــــــا ف بقك سم
يا اللي حلبت البقـــــــرة إتلم
------
يا مســــــمم تبن وبرسيم
ومغلي الأعــــلاف يا لئيم
ولا عاتق فرخة ولا بهيم
إيه راح تحلب غير الهم
يا اللي حلبت البقرة إتلم
------
يا اللي حلبت البقرة حرام
دا إنت بتســــــرق م الأيام
سارق ألفين ســــــنة قدام
فاضل إيه علشــــــان تحلم
يا اللي حلبت البقــــرة إتلم
------
البقرة هتفطس وتمــــــوت
وعيالها اتلفــــــم بســكوت
خايفين من ضرب النبوت
بكره يدوقوا حـــــرق الدم
غش وسرقة ونصب وخم
يا اللي حلبت البقرة إتلم
يا اللي حلبت البقرة إتلم