صباح يمشي بقلم الشاعر : محمد أحمد فرحات

صباح يمشي بعكس السير
يهد المأذنه والدير
ويلبس خيش في عز الحر
ويربطنا برباط المر
يشربنا السيول قناطير
يجرجنا بحروف الجر
ويهتف للنظام بالخير
وللشعب الضعيف بالشر..

صباح يقطع لسان الطير
يسد الغصن ويعفر
صباح يهتف عشان الناس
تضيع حلمها وتكفر
يجيب في جيوبه وردايه
قديمه ولونها كده اصفر

صباح يشبه كده في دايه
تولد فينا بالعافيه
نصرخ فيها بكفايه
تقول هحكمكوا بلا قافيه

صباح حدايه متحدفش في الكتاكيت
ما بتنظمش في الشارع
ولا سايبلنا سقف البيت
صباح الفول بدون العيش
وناقص ملح ناقص زيت
صباح الوقفه علشان فيش
وجاهز للدخول في الجيش

صباح الجمعه زي السبت
صباح يا مصر مش طالع
صباح الشقيانين فيكي
بيعملوا ثوره مش نافع