قلبي اللي حبك بقلم الشاعر : أحمد طرابيه

قلبي اللي حبك
ياما قال اشتاقت
هتصدقي؟
مبقاش يقول دلوقت
وقدرت ع النسيان
والوحدة من بعدك
ملعون أبوه بعدك
لو كان هيكسرني
عارفة اللي صبرني
إنك نسيتي أوام
بعتي هوايا بكام
من ثم بعتيني
أنا كانلي قربك نار
صنتك حرقتيني
ف الأولة يمكن
خنتك مع طيفك
بس الأكيد إنك
مع غيري خنتيني
قلبي اللي قال حبك
وبقيتي عنده مفيش
مابقاش يقول اشتاقت
أو يوم وحشتيني