كاس وداير بقلم الشاعر : أحمد خالد صلاح الدين

كاس وداير
مين هيشرب
مين يناول
مين هينسى
التاني أوّل
مين هيُغدُر
مين على القلوب يقاوِل
أصل اللعب بالمشاعر
في الزمن ده
بقى ماتش دوري
واحتراف
واستلاف الغدر رده
بردو غدر بنفس أَلَمُه
أو كمان أضعاف
واللي داق الغدر ياما
وفْـ حياتُه عاش صدوق
مهما لف بيه زمانُه
قَلبُه أبيض صدرُه حنون
ما بيعرفش إلا لون
لون لأي حاجه حلوه
لون الحُبّ
لون الخير
لون الحق
لون النور
ما بيعرفش يكدب
أو يجور
عُمله نادره
عُمله تايهه
عُمله مش لاقيه
صاحبها
مش مستاهِلها حد
خلّى زمنُه فيه يغيّر
خلّى لُون طباعُه باهت
خرّق جيوبُه بشيل الغدر