نفس الحياة ...بقلم الشاعر / محمد صبري

‫#‏نفس‬ الحياة
ناح الحمام ع الدوح
صوته حزين مبحوح
لم الجناح دايخ
قالوا عليه خايخ
بيكدبوا لانه
ف التوهة صار شايخ
و م البعد صار مدبوح
ونواحه مش أكتر
سكرة حلاوة روح
بيبكي علي عشه
بيحط
ونهشه
بنخدعه نغشه
نرسمله في سحابة
و ف-غابة ورا غابة
دي الصورة خلابة
نتمني يتغابي
فنرسم شجر ملووح
يتوه في ميت سكة
يتعك ميت عكة
مايعرف طريقه فينً
ما كل المباني سطوح
ولما نلقيه دايخ
بينقر نقير بايخ
نغضب عليه نصرخ
مبلاش دلع ماسخ
وننتف بقية ريشه
وحنينه بنهيشه
غنيلنا بقا شوية
خليك يا طير بحبوح
فيغني عن غربته
والمسك ريح تربته
تبتدي العيون تبكي
لبكاه و من شوقه
المسكون بنار دمعته
وعن وطنه اللي بيباعد
وبينه وبينه صروح
إمتي الغريب يرجع
إمتي العنين تشبع
إمتي تخليلي
نفس الحياة الممنوح

محمد صبري